കൊച്ചി : കഴിച്ച ഭക്ഷണത്തിന്റെ പണം ചോദിച്ചതിന് ഹോട്ടൽ ഉടമയ്ക്ക് നേരെ വടിവാൾ വീശി ഭീഷണി .കൊച്ചി ഗാന്ധിനഗറിൽ പ്രവർത്തിക്കുന്ന ഹോട്ടലിന്റെ ഉടമയ്ക്ക് നേരെയാണ് യുവാക്കൾ വടിവാൾ വീശിയത്.സംഭവത്തിൽ കാപ്പ കേസ് പ്രതിയും സുഹൃത്തും പിടിയിലായി.
ഇന്നലെ രാത്രിയായിരുന്നു സംഭവം. ഭക്ഷണം കഴിച്ച ശേഷം ഇവർ പണം നൽകാതെ ഇറങ്ങി പോകാൻ ശ്രമിച്ചത് ഹോട്ടൽ ഉടമ ചോദ്യം ചെയ്തു.ഇതോടെ ഒരാൾ എളിയിൽനിന്ന് വടിവാളൂരി ഭീഷണിപ്പെടുത്തുകയായിരുന്നു .ഇവർ ലഹരി ഉപയോഗിച്ചിരുന്നെന്നാണ് സംശയം .ഹോട്ടൽ ഉടമയുടെ പരാതിയിൽ പൊലീസ് പ്രതികളെ പിടികൂടി.
