ഗതാഗത കുരുക്ക് : ചികിത്സ വൈകിയതിനെ തുടർന്ന് കുഞ്ഞ് മരിച്ചു

കണ്ണൂർ : കണ്ണൂർ കൊട്ടിയൂരിൽ ഗതാഗതക്കുരുക്കിൽ കുടുങ്ങിആംബുലൻസ് വൈകിയതിനെ തുടർന്ന് കുഞ്ഞ് മരിച്ചു.കൊട്ടിയൂർ അമ്പായത്തോട്ടിലെ പ്രദോഷ് ബിന്ദു ദമ്പതികളുടെ മകനായ മൂന്നര വയസ്സുകാരൻ പ്രജുലാണ് മരിച്ചത്. പനിയെ തുടർന്ന് 108 ആംബുലൻസ് വിളിച്ചെങ്കിലും ഗതാഗത കുരുക്കിൽപ്പെടുകയായിരുന്നു. മാനന്തവാടി താലൂക്ക് ആശുപത്രിയിൽ എത്തിച്ചെങ്കിലും കുട്ടി മരിച്ചു. കൊട്ടിയൂര്‍ പിഎച്ച്സിയില്‍ നിന്നാണ് ആംബുലന്‍സ് വിളിച്ചത് .ഗതാഗത കുരുക്ക് കാരണം ആംബുലൻസ് വൈകിയതിനെതുടർന്ന് യഥാസമയം ചികിത്സ കിട്ടാതെയാണ് കുഞ്ഞ് മരിച്ചതെന്നാണ് ബന്ധുക്കൾ ആരോപിക്കുന്നത്.