ആരോഗ്യപ്രശ്നങ്ങൾ : ഉപരാഷ്‌ട്രപതി ജ​ഗ്ദീപ് ധൻകർ രാജിവച്ചു

ന്യൂഡൽഹി : ഉപരാഷ്‌ട്രപതി ജ​ഗ്ദീപ് ധൻകർ രാജിവച്ചു.രാജിക്കത്ത് രാഷ്‌ട്രപതി ദ്രൗപദി മുർമുവിന് കൈമാറി.ആരോ​ഗ്യത്തിന് മുൻ​ഗണന നൽകിക്കൊണ്ട് ഡോക്ടറുടെ ഉപദേശപ്രകാരം ചികിത്സ നടത്തുന്നതിനായി ഉപരാഷ്‌ട്രപതി സ്ഥാനത്ത് നിന്ന് രാജിവയ്‌ക്കുന്നുവെന്ന് ​രാജിക്കത്തിൽ പറയുന്നു. രാഷ്ട്രപതി ദ്രൗപദി മുർമു, പ്രധാനമന്ത്രി നരേന്ദ്ര മോദി, കേന്ദ്രമന്ത്രിമാർ എന്നിവരോടുള്ള കൃതജ്ഞതയും കത്തിൽ അറിയിക്കുന്നു .2022 ഓഗസ്റ്റ് 11-നാണ് ജഗ്ദീപ് ധൻകർ ഇന്ത്യയുടെ ഉപരാഷ്‌ട്രപതിയായി ചുമതലയേറ്റത്. രണ്ടു വർഷം ബാക്കി നിൽക്കെയാണ് പദവിയിൽ നിന്നും അദ്ദേഹം രാജിവയ്ക്കുന്നത്.