കൊച്ചി : താരസംഘടനയായ ‘അമ്മ’യിൽ കൂട്ടരാജി.പ്രസിഡന്റ് മോഹൻലാൽ അടക്കമുള്ള മുഴുവൻ ഭാരവാഹികളും രാജിവച്ചു. അമ്മയുടെ ഭരണസമിതി പിരിച്ചു വിട്ടു. ഇന്ന് ചേർന്ന ഓൺലൈൻ യോഗത്തിലാണ് തീരുമാനം.
ഹേമാ കമ്മിറ്റി റിപ്പോർട്ട് പുറത്തു വന്നതിനെ തുടർന്ന് മാധ്യമങ്ങളിൽ സംഘടന ഭരണ സിമിതിയിലെ ചില ഭാരവാഹികൾ നേരിടേണ്ടി വന്ന ലൈംഗികാരോപണങ്ങളുടെ പശ്ചാത്തലത്തിൽ ധാർമ്മിക ഉത്തരവാദിത്വം മുൻനിർത്തി നിലവിലുള്ള ഭരണ സമിതി രാജി വെയ്ക്കുന്നുവെന്നും രണ്ട് മാസത്തിനുള്ളിൽ പൊതുയോഗം കൂടി പുതിയ ഭരണ സമിതിയെ തെരെഞ്ഞെടുക്കുമെന്നും സംഘടനയുടെ വാർത്താകുറിപ്പിൽപറയുന്നു.
ഹേമ കമ്മിറ്റി റിപ്പോർട്ട് പുറത്തു വന്നതിനെ തുടർന്ന് അമ്മയിൽ കടുത്ത ഭിന്നതയുണ്ടായിരുന്നു.പീഡന ആരോപണത്തെത്തുടർന്ന് അമ്മയുടെ ജനറൽ സെക്രട്ടറിയായിരുന്ന നടൻ സിദ്ധിഖ് സ്ഥാനം രാജിവച്ചിരുന്നു.പിന്നാലെ ജോയിന്റ് സെക്രട്ടറിയായ നടൻ ബാബു രാജിന് നേർക്കും ലൈംഗിക പീഡന ആരോപണം ഉയർന്നിരുന്നു.ഇതോടെ ഒരു വിഭാഗം അംഗങ്ങൾ രാജി സന്നദ്ധത അറിയിച്ച് രംഗത്തെത്തിയിരുന്നു.
