തൃശ്ശൂർ : തൃശ്ശൂർ കൊരട്ടിയില്‍ വീടിന്റെ കമ്പി അഴിച്ചു മാറ്റി 35 പവൻ സ്വർണവും 8000 രൂപയും കവർന്നു. ചിറങ്ങര പ്രകാശന്റെ വീട്ടിലാണ് പുലര്‍ച്ചെ മോഷണം നടന്നത്.സംഭവസമയത്ത് പ്രകാശനും ഭാര്യയുമാണ് വീട്ടിലുണ്ടായിരുന്നത്.
ബന്ധുവിന്റെ വിവാഹത്തില്‍ പങ്കെടുക്കാനായി ബാങ്ക് ലോക്കറില്‍നിന്ന് എടുത്ത സ്വര്‍ണാഭരണങ്ങളാണ് നഷ്ടപ്പെട്ടത്. പുലർച്ചെ തൊട്ടടുത്ത മുറിയിൽ വെളിച്ചം കണ്ടു എണീറ്റ് നോക്കിയപ്പോഴാണ് അലമാര തുറന്നു കിടക്കുന്നതും സാധനങ്ങൾ വാരി വലിച്ചിച്ചിട്ടിരിക്കുന്നതും വീട്ടുകാർ കണ്ടത് .വീടിന്റെ പിറകുവശത്തെ ജനല്‍ കമ്പി തകര്‍ത്താണ് മോഷ്ടാക്കള്‍ അകത്തുകയറിയത്. പോലീസ് സ്ഥലത്തെത്തി അന്വേഷണം ആരംഭിച്ചു.
