ന്യൂഡൽഹി : പാരീസ് ഒളിംപിക്‌സിൽ വെങ്കല മെഡൽ നേടിയ ഇന്ത്യൻ ഹോക്കി താരങ്ങൾക്ക് ഡൽഹിയിൽ ഉജ്വല വരവേൽപ്. മലയാളി താരം പി.ആർ. ശ്രീജേഷ് ഉൾപ്പടെയുള്ള സംഘമാണ് രാവിലെ ഡൽഹിയില്‍ വിമാനമിറങ്ങിയത്. സമാപന ചടങ്ങിനായി പാരിസിൽ തങ്ങിയ ടീമംഗങ്ങളാണ് ഇന്ന് എത്തിയത്. വാദ്യമേളങ്ങളുടെ അകമ്പടിയോടെയാണ്സംഘത്തിനെ വിമാനത്താവളത്തിന് പുറത്ത് വരവേറ്റത്. ഹോക്കി ഫെഡറേഷന്റെ ഔദ്യോഗിക സ്വീകരണം ബുധനാഴ്ചയാണ്.
പി.ആർ ശ്രീജേഷിന്റെ അവസാന അന്താരാഷ്‌ട്ര മത്സരമായിരുന്നു പാരിസിലേത്. ശ്രീജേഷ് ഉളളതുകൊണ്ടാണ് ഇന്ത്യയ്‌ക്ക് വെങ്കല മെഡൽ ലഭിച്ചതെന്നായിരുന്നു ടീമംഗം സുമിത് വാൽമീകി പ്രതികരിച്ചത്.
