കോഴിക്കോട് : വടകരയിലെ കാഫിർ സ്ക്രീൻഷോട്ട് വിവാദത്തിൽ മുൻ എംഎൽഎയും സിപിഎം സംസ്ഥാന സമിതി അംഗവുമായ കെ.കെ.ലതികയ്ക്കെതിരെ കേസെടുക്കണമെന്നാവശ്യപ്പെട്ട് യൂത്ത് കോണ്ഗ്രസ്. ഈ ആവശ്യം ഉന്നയിച്ച് യൂത്ത് കോണ്ഗ്രസ് നേതാക്കള് ഡിജിപിക്ക് പരാതി നല്കി.
ഷാഫി പറമ്പിലിന് എതിരായി ലതികയുടെ ഫെയ്സ്ബുക് പേജിൽ പ്രത്യക്ഷപ്പെട്ട സ്ക്രീൻഷോട്ട് മതസ്പര്ദ്ധ സൃഷ്ടിക്കാനുള്ള ശ്രമമാണെന്ന് പരാതിയിൽ പറയുന്നു.യു ഡി എഫ് സ്ഥാനാർഥിക്കെതിരെ അവമതിപ്പുണ്ടാക്കുന്ന നീക്കമാണു നടത്തിയതെന്നും പരാതിയിൽ ചൂണ്ടിക്കാട്ടുന്നു. സ്ക്രീൻഷോട്ട് ലതിക കഴിഞ്ഞ ദിവസം ഫെയ്സ്ബുക്കിൽ നിന്ന് പിൻവലിച്ചിരുന്നു.
