പത്തനംതിട്ട: കെ എസ് ആർ ടി സി ബസ് വൈദ്യൂതി തൂണിലേക്ക് ഇടിച്ചു കയറി അപകടം. മൂന്നു യാത്രക്കാർക്ക് പരിക്കേറ്റു . ഇന്ന് പകൽ 11.45 ആയിരുന്നു അപകടം ഉണ്ടായത്. പത്തനംതിട്ടയിലെ ഡിപ്പോയിലെ ഫാസ്റ്റ് ബസ് രാവിലെ തിരുവനന്തപുരത്ത് പോയി മടങ്ങി വരുന്നതിനിടെ പത്തനാപുരത്തിനും കോന്നിക്കും ഇടയ്ക്ക് വകയാറിലായിരുന്നു അപകടം നടന്നത്.
സ്റ്റോപ്പിൽ നിർത്തുന്നതിന് വേണ്ടി ബ്രേക്ക് ചവിട്ടിയതിനിടെ ബസ് തെന്നിമാറി വൈദ്യൂതി തൂണിൽ ഇടിച്ച് കയറുക ആയിരുന്നു. ഇടിയുടെ ആഘാതത്തിൽ റോഡ് സൈഡിൽ പാർക്ക് ചെയ്തിരുന്ന മറ്റൊരു മിനി വാനിലും ബൈക്കിലും ഇടിച്ചു.
അപകടത്തിൽ മൂന്നു വാഹനങ്ങൾക്കു തകരാറ് സംഭവിക്കുകയും, വൈദ്യൂതി തൂൺ വളഞ്ഞു ബ്രേക്ക് ആകുകയും ചെയ്തു. ബസ്സിലെ പരിക്കേറ്റ മൂന്നു യാത്രക്കാർക്ക് പ്രാഥമിക ചികിത്സ നൽകി. ഇടിയുടെ ആഘാതത്തിൽ ബസിന്റെ മുൻഭാഗത്തും മറ്റ് രണ്ട് വാഹനങ്ങൾക്കും തകരാറ് സംഭവിച്ചിട്ടുണ്ട്. പോലീസ് സ്ഥലത്ത് എത്തി വേണ്ട ക്രമീകരണങ്ങൾ ഏർപ്പെടുത്തി.
