ശ്രീനഗർ : ലഷ്കർ മുഖ്യ കമാൻഡർ സാക്കിർ ഗനായിയെ ഏറ്റുമുട്ടലിൽ വധിച്ച് സുരക്ഷാസേന .ഷോപ്പിയാൻ കേന്ദ്രീകരിച്ച് അഞ്ച് ദിവസമായി തുടരുന്ന ശക്തമായ ഭീകരവിരുദ്ധ ഓപ്പറേഷനൊടുവിലാണ് ഭീകരൻ കൊല്ലപ്പെട്ടത് .തെക്കൻ കശ്മീരിലെ സൈദ്‌പോര മേഖലയിൽ നിന്നാണ് മൃതദേഹം കണ്ടെടുത്തത്. ആയുധങ്ങളും വെടിക്കോപ്പുകളും സുരക്ഷാസേന പിടിച്ചെടുത്തിട്ടുണ്ട്.
അഞ്ച് ദിവസം മുമ്പ് സാക്കിർ ഗനിയും സഹായിയും ഈ മേഖലയിലുണ്ടെന്ന വിവരത്തെത്തുടർന്ന് സുരക്ഷാസേന പ്രദേശം വളഞ്ഞ് തിരച്ചിൽ ആരംഭിക്കുകയായിരുന്നു. നിരവധി ഭീകരാക്രമണങ്ങൾക്കും യുവാക്കളെ ഭീകരസംഘടനയിലേക്ക് റിക്രൂട്ട് ചെയ്യുന്നതിനും ഇയാൾ നേതൃത്വം നൽകിയിരുന്നതായി സുരക്ഷാ വൃത്തങ്ങൾ അറിയിച്ചു. പ്രദേശത്ത് തിരച്ചിൽ ഇപ്പോഴും തുടരുകയാണ്.
