മലപ്പുറം : സ്കൂട്ടറിൽ കാട്ടുപന്നിയിടിച്ച് സ്കൂട്ടർ മറിഞ്ഞു ഗുരുതരമായി പരിക്കേറ്റ് ചികിത്സയിൽ കഴിഞ്ഞയാൾ മരിച്ചു.വണ്ടൂർ ചെട്ടിയാറമ്മൽ പൊത്തൻകോടൻ നൗഷാദലി (47) ആണ് മരിച്ചത്. കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്നു.അപകടസമയത്ത് സ്കൂട്ടറിൽ ഒപ്പമുണ്ടായിരുന്ന പത്തുവയസുകാരൻ മകനും പരിക്കേറ്റ് ചികിത്സയിലാണ്.
കഴിഞ്ഞ 20ന് രാത്രിയാണ് അപകടം.റോഡിനു കുറുകെ പാഞ്ഞ പന്നി ഇടിച്ചു സ്കൂട്ടർ മറിയുകയായിരുന്നു .ഐഎൻടിയുസി വണ്ടൂർ മണ്ഡലം പ്രസിഡൻ്റ്, മലപ്പുറം ജില്ല വെറ്ററൻസ് സെവൻസ് ഫുട്ബോൾ അസോസിയേഷൻ ജനറൽ സെക്രട്ടറി തുടങ്ങി ചുമതലകൾ വഹിച്ചിരുന്നു.
