മഹാരാഷ്‌ട്രയില്‍ ചെറു ഭൂചലനങ്ങള്‍ ; ആളപായമില്ല

മുംബൈ : മഹാരാഷ്‌ട്രയിലെ നന്ദേഡ്ഹിംഗോളി അതിര്‍ത്തി പ്രദേശങ്ങളില്‍ ചെറു ഭൂചലനങ്ങള്‍.രണ്ട് മണിക്കൂറിനുള്ളില്‍ നാല് തവണ ഭൂചലനം അനുഭവപ്പെട്ടു. വ്യാഴാഴ്ച പുലർച്ചെ 1.30 നും 3.30നുമിടയിലാണ് ഭൂകമ്പമുണ്ടായത്. റിക്ടർ സ്കെയിലിൽ 3.6 നും 4.6 നുമിടയിൽ തീവ്രത രേഖപ്പെടുത്തി.ജനങ്ങള്‍ പരിഭ്രാന്തിയോടെ വീടുകളില്‍ നിന്ന് പുറത്തേക്ക് ഓടിയിറങ്ങി.ആളപായമോ കെട്ടിടങ്ങള്‍ക്ക് കാര്യമായ കേടുപാടുകളോ റിപ്പോര്‍ട്ട് ചെയ്തിട്ടില്ലെന്നും സ്ഥിതിഗതികള്‍ നിരീക്ഷിച്ചുവരുകയാണെന്നും അധികൃതര്‍ അറിയിച്ചു.