ആലപ്പുഴ: യാത്രയ്ക്കിടെ കെഎസ്ആർടിസി ബസിന്റെ ടയർ ഊരി തെറിച്ചു. ഒരാൾക്ക് പരുക്ക്. ഇന്ന് രാവിലെ 6 മണിക്ക് ചേർത്തലയിൽ നിന്നും സർവീസ് പോയ അരൂക്കുറ്റി_ തിരുവനന്തപുരം ഫാസ്റ്റ് പാസഞ്ചർ ബസ് പൂച്ചയ്ക്കൽ സ്ഥലത്തു വച്ച് മുൻ വലത്തുവശത്തെ ടയർ ഊരിപ്പോയത്. ഊരിപ്പോയ ടയർ അടുത്തുള്ള കടയുടെ ഷട്ടറിൽ ചെന്നിടിച്ച് ഷട്ടർ തകരാറിലായി.ഷട്ടറിൽ ഇടിച്ചു തിരിഞ്ഞു അതുവഴി നടന്നു വന്നിരുന്ന ആളുടെ ദേഹത്ത് തട്ടി ആൾ മറിഞ്ഞു വീണു തലയ്ക്കു പരിക്കേറ്റു.
സംഭവത്തോടെ റോഡിൽ വാഹന തടസം ഉണ്ടായതോടെ പ്രകോപിതരായ ബൈക്ക് യാത്രക്കാരിൽ ഒരാൾ ഡ്രൈവറെ മർദിച്ച് കടന്നു കളഞ്ഞു. ബൈക്ക് നമ്പർ കണ്ടു പിടിക്കുന്നതിനായി അടുത്തുള്ള കടകളിൽ നിന്നും സി സി ടി വി പരിശോധിച്ച് വരികയാണെന്ന് അധികൃതർ പറഞ്ഞു. യാത്രക്കാരെ മറ്റൊരു ബസിൽ കയറ്റി വിട്ടു. അവധി ദിനമായതിനാൽ മറ്റ് അപകടം ഒഴിവായി.
