പത്തനംതിട്ട : ശബരിമലയിൽ തീർത്ഥാടകർക്ക് ആവശ്യത്തിന് അരവണ പ്രസാദം ഉറപ്പാക്കുമെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് കെ. ജയകുമാർ വ്യക്തമാക്കി. മണ്ഡല-മകരവിളക്ക് തീർത്ഥാടനത്തോടനുബന്ധിച്ച് ഭക്തജനങ്ങളിൽ ആശങ്ക പരത്തിയിരുന്ന അരവണ പ്രതിസന്ധി ഇത്തവണ ഉണ്ടാകില്ലെന്നാണ് ദേവസ്വം ബോർഡിന്റെ ഔദ്യോഗിക വിശദീകരണം.
ശബരിമലയിലേക്ക് ആവശ്യമായ ഉണക്കലരി ഇതിനോടകം തന്നെ സുരക്ഷിതമായി എത്തിച്ചിട്ടുണ്ടെന്ന് അദ്ദേഹം അറിയിച്ചു. ഭക്തർക്ക് തടസ്സമില്ലാതെ അരവണ വിതരണം നടത്തുന്നതിനായി മുൻകരുതൽ നടപടികൾ നേരത്തെ തന്നെ സ്വീകരിച്ചിട്ടുണ്ട്. അടിയന്തര സാഹചര്യങ്ങൾ നേരിടാനുള്ള സജ്ജീകരണങ്ങളും ഒരുക്കിയിട്ടുണ്ടെന്ന് ദേവസ്വം ബോർഡ് പ്രസിഡൻ്റ് വ്യക്തമാക്കി.
കഴിഞ്ഞ വർഷങ്ങളിലുണ്ടായ അനുഭവങ്ങളുടെ പശ്ചാത്തലത്തിൽ, ഇത്തവണത്തെ തീർത്ഥാടന സീസൺ കുറ്റമറ്റ രീതിയിൽ മുന്നോട്ട് കൊണ്ടുപോകാനാണ് ദേവസ്വം ബോർഡിന്റെ തീരുമാനം.
