ശബരിമല : ശരണ മന്ത്രങ്ങളാൽ ഭക്തി സാന്ദ്രമായി ശബരിമല. ഇന്നു പുലർച്ചെ 5.45നും 6.30നും മധ്യേ നിറപുത്തരി പൂജകൾ നടന്നു. ഇന്നലെ മുതൽ സന്നിധാനത്ത് മഴയെപ്പോലും അവഗണിച്ച് വലിയ ഭക്തജനത്തിരക്കാണ് അനുഭവപ്പെടുന്നത്
തന്ത്രി കണ്ഠര് മഹേഷ് മോഹനരുടെ മുഖ്യ കാർമ്മികത്വത്തിൽ നെൽകറ്റകൾ ശ്രീകോവിലിനുള്ളിൽ പൂജിച്ച് ശ്രീകോവിലിലും പിന്നെ സോപാനത്തും കതിർകുല കെട്ടിയശേഷം നെൽക്കതിരുകൾ തന്ത്രിയും മേൽശാന്തിയും ചേർന്ന്
ഭക്തർക്ക് പ്രസാദമായും നൽകി.
പൂജകൾ പൂർത്തിയാക്കി ഇന്നു രാത്രി 10ന് നട അടയ്ക്കും. തുടർന്ന് ചിങ്ങമാസ പൂജ, ഓണം പൂജകൾക്കായി 16ന് വീണ്ടും നട തുറക്കും.
