ഇസ്ലാമാബാദ് : ഷാർജയിൽ നിന്ന് പാകിസ്താനിലെ കറാച്ചിയിലേക്ക് ചരക്കുമായി പോയ പാക്കിസ്ഥാന്റെ ബോയിങ് 737 വിമാനം അറബിക്കടലിന് മുകളിൽ കാണാതായി. വിമാനത്തിന്റെ നാവിഗേഷൻ സംവിധാനത്തിൽ തകരാർ റിപ്പോർട്ട് ചെയ്തതിന് ശേഷമാണ് ബന്ധം വേർപെട്ടത്.വിമാനത്തിൽ അഞ്ച് ക്രൂ അംഗങ്ങളുണ്ട്. വിമാനം കറാച്ചിക്ക് തെക്കുപടിഞ്ഞാറായി അറബിക്കടലിൽ തകർന്നു വീണിരിക്കാമെന്നാണ് സൂചന .
ചൊവാഴ്ച്ച രാത്രി 9.18 ഓടെയാണ്‌ വിമാനവുമായുള്ള ബന്ധം നഷ്ടപ്പെട്ടത്. വിമാനം കണ്ടെത്തുന്നതിനായി വിവിധ ഏജൻസികളെ ഏകോപിപ്പിച്ചുകൊണ്ട് വിപുലമായ തിരച്ചിൽ ആരംഭിച്ചതായി പാക്കിസ്ഥാൻ അധികൃതർ അറിയിച്ചു കെ2 എയർവേയ്‌സിന്റെ വിമാനത്തിന് 27 വർഷം പഴക്കമുണ്ട്.
