തിരുവനന്തപുരം : സർക്കാർ സ്‌കൂളുകളിലെ താൽക്കാലിക അധ്യാപക നിയമനത്തിന് പൊലീസ് ക്ലിയറൻസ് സർട്ടിഫിക്കറ്റ് കർശനമാക്കി.ഈ നിർദേശം നേരത്തേതന്നെ ഉണ്ടായിരുന്നെങ്കിലും താത്കാലിക നിയമനങ്ങളിൽ പൊതുവേ പരിഗണിക്കപ്പെട്ടിരുന്നില്ല. വടകരയിൽ അധ്യാപകർ എംഡിഎംഎ കേസിൽ ഉൾപ്പെട്ടതോടെയാണ് ഇപ്പോൾ ഇതു നിർബന്ധമാക്കിയത്.
താത്കാലിക അധ്യാപകരെ നിയമിക്കാനായി സ്‌കൂളുകൾ നൽകുന്ന പരസ്യങ്ങളിലും അറിയിപ്പുകളിലും ‘പോലീസ് ക്ലിയറൻസ് സർട്ടിഫിക്കറ്റ് നിർബന്ധം’ എന്ന് പ്രത്യേകം പ്രത്യേകം രേഖപ്പെടുത്താനും നിർദേശമുണ്ട്. വിദ്യാഭ്യാസവകുപ്പിലെ ഓഫീസുകളിലും സ്‌കൂളുകളിലും ബാങ്ക് ഇടപാടുകൾ നടത്താൻ സ്ഥിരം ജീവനക്കാരെമാത്രമേ ചുമതല പ്പെടുത്താവൂ. അക്കൗണ്ടുകൾ എല്ലാ മാസവും അവസാനദിവസം പരിശോധിച്ച് ഓഫിസ് മേധാവി സാക്ഷ്യപ്പെടുത്തണമെന്നും ഉത്തരവിലുണ്ട്.
