ചെന്നൈ: തമിഴ്നാട്ടില് എല്ലാ എംഎല്എമാര്ക്കും പുതിയ കാര് നല്കുമെന്ന് മുഖ്യമന്ത്രി ജോസഫ് വിജയ്. എംഎല്എമാര്ക്ക് തങ്ങളുടെ മണ്ഡലങ്ങളിലേക്കുള്ള യാത്ര സുഗമമാക്കാനും ജനങ്ങളുടെ ആവശ്യങ്ങള്ക്കായി മികച്ച രീതിയില് ഇടപെടല് നടത്താനുമാണ് കാർ നൽകുന്നതെന്നാണ് വിശദീകരണം. മുഖ്യമന്ത്രിയുടെ പുതിയ പദ്ധതിക്ക് കീഴില് ഓരോ നിയമസഭാംഗത്തിനും 75,000 രൂപയുടെ അലവന്സും ലഭിക്കും.
ഡ്രൈവറുടെ ശമ്പളവും കാറുമായി ബന്ധപ്പെട്ട ചെലവുകള്ക്കുമായാണ് തുക. ഇവയ്ക്ക് പുറമേ ഓരോ എംഎല്എ ഓഫീസിലും അസിസ്റ്റന്റിനെ നിയമിക്കാനായി മാസം 25,000 രൂപയും സർക്കാർ നൽകും. അടിസ്ഥാനപരമായ സൗകര്യങ്ങള് ലഭിക്കാതെ എംഎല്എമാര്ക്ക് പ്രവര്ത്തിക്കാന് കഴിയില്ലെന്ന് വിസികെ എംഎല്എ ജോതിമണി ചൂണ്ടിക്കാട്ടിയതിന് പിന്നാലെയാണ് പുതിയ പ്രഖ്യാപനം.
