കോഴിക്കോട് : കോഴിക്കോട് മാനാഞ്ചിറയിൽ ഒരുരൂപാ നോട്ടുമായി വരുന്ന ആദ്യ നൂറുപേർക്ക് ഷൂ സമ്മാനമായി നൽകുമെന്ന ഓഫറിന് പിന്നാലെ കടയ്ക്ക് മുൻപിൽ വൻ തിക്കും തിരക്കും .ട്രെൻഡ് ഫാക്ടറി എന്ന കടയുടമയാണ് സോഷ്യൽ മീഡിയ വഴി ഷൂ കടയുടെ പരസ്യം നൽകിയത്.ഇതോടെ പുലർച്ചെ മൂന്നുമണി മുതൽ ആളുകൾ കടയ്ക്ക് മുന്നിൽ തടിച്ചു കൂടി.എത്തിയവരിൽ ഭൂരിഭാഗവും കുട്ടികളാണ്
തിരക്ക് നിയന്ത്രിക്കാൻ കഴിയാതെവന്നതോടെ ഉടമകൾ പോലീസിൽ വിവരം അറിയിച്ചു. പോലീസ് സ്ഥലത്തെത്തുകയും ലാത്തിച്ചാർജ് ചെയ്യുകയും ചെയ്തു. കുട്ടികൾ ഉൾപ്പെടെ നിരവധി പേർക്ക് പരിക്കേറ്റു. കടയുടമയെ പോലീസ് കസ്റ്റഡിയിൽ എടുത്തു.
