തിരുവനന്തപുരം: ശബരിമല, മാളികപ്പുറം ക്ഷേത്രങ്ങളിൽ പുതിയ മേൽശാന്തിമാരെ കണ്ടെത്താൻ അപേക്ഷ ക്ഷണിച്ചു. അപേക്ഷകരുടെ പ്രായപരിധി ദേവസ്വം ബോർഡ് 60ൽ നിന്നു 58 ആയി കുറച്ചു. കുറഞ്ഞ വിദ്യാഭ്യാസയോഗ്യത എസ്എസ്എൽസി. കേരളത്തിൽ ജനിച്ചവരും കേരളീയ ആചാരപ്രകാരം പൂജകളുംതാന്ത്രിക കർമങ്ങളും പഠിച്ചവരുമായ മലയാള ബ്രാഹ്മണരാകണം.
രണ്ടു നേരം തുറക്കുന്നതും 3പൂജകൾ ഉള്ളതും ഭക്തർക്കു ദിവസവും ദർശനം നടത്താവുന്നതുമായ ക്ഷേത്രത്തിൽ 12 വർഷത്തെ സേവനം വേണം. അതിൽ തുടർച്ചയായി 10 വർഷം മേൽശാന്തി ആയിരിക്കണം. തിരഞ്ഞെടുക്കപ്പെടുന്നവർ തുലാം ഒന്നു മുതൽ 30 ദിവസം സന്നിധാനത്തു ഭജനം ഇരിക്കണമെന്ന വ്യവസ്ഥയും ഉൾപ്പെടുത്തി.
അപേക്ഷ 30നുവൈകിട്ട് 5നു മുൻപ് തിരുവനന്തപുരം നന്തൻകോട് ദേവസ്വം കമ്മിഷണർ ഓഫിസിൽ ലഭിക്കണം.
