കോട്ടയം : മലങ്കരസഭയുടെ സേവന വിഭാഗമായ ആർദ്ര ചാരിറ്റബിൾ സൊസൈറ്റിക്ക് സ്റ്റേറ്റ് ബാങ്ക് ഓഫ് ഇന്ത്യ ആംബുലൻസ് കൈമാറി. ആർദ്രയുടെ 25ാം വാർഷികത്തിന്റെ ഭാഗമായുള്ള പാലിയേറ്റീവ് കെയർ പ്രവർത്തനങ്ങൾക്ക് വേണ്ടിയാണ് എസ് ബി ഐ സി.എസ്.ആർ ഫണ്ടിൽ നിന്ന് ആംബുലൻസ് അനുവദിച്ചത്.
ആംബുലൻസിന്റെ ഫ്ലാഗ് ഓഫ് കർമ്മം സഭാ ആസ്ഥാനമായ ദേവലോകം കാതോലിക്കേറ്റ് അരമനയിൽ നടന്ന ചടങ്ങിൽ എസ്.ബി.ഐ ഡി.ജി.എം മനോജ് കുമാർ പത്ര, പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ എന്നിവർ ചേർന്ന് നിർവഹിച്ചു.
എസ്.ബി.ഐ റീജിയണൽ മാനേജർ പ്രദീപ് ആർ ചന്ദ്രൻ, എച്ച്.ആർ മാനേജർ നയന എസ്, ദേവലോകം ബ്രാഞ്ച് മാനേജർ സുമിത് വർഗീസ് ജേക്കബ്, ആർദ്ര ചാരിറ്റബിൾ സൊസൈറ്റി സെക്രട്ടറി ജോസഫ് അലക്സാണ്ടർ, ട്രഷറാർ റോയ് തോമസ്, ഐ.സി തമ്പാൻ, മോനി കല്ലംപറമ്പിൽ, ജോൺസൺ കീപ്പള്ളിൽ, മറിയാമ്മ, അഡ്വ.വർഗീസ്, സിബി, ഷാജി, രാജൻ പി എസ് എന്നിവർ പങ്കെടുത്തു.
