ഇന്ത്യയുമായി ചർച്ചകൾക്ക് തയ്യാറെന്ന് ഷെഹ്ബാസ് ഷെരീഫ്

ന്യൂഡൽഹി : ഇന്ത്യയുമായി ചർച്ചകൾക്ക് തയ്യാറെന്ന് പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ്. ഒരു വാർത്താ ഏജൻസിയോടാണ് ഷെഹ്ബാസ് ഷെരീഫിന്റെ പ്രതികരണം. സമാധാനത്തിനായി ഇന്ത്യയുമായി സംസാരിക്കാൻ ഞങ്ങൾ തയ്യാറാണ്, അദ്ദേഹം പറഞ്ഞു. ചർച്ചകളിൽ കശ്മീർ വിഷയവും ഉൾപ്പെടുമെന്നും പാക് പ്രധാനമന്ത്രി പറഞ്ഞു. എന്നാൽ പാക് അധീന കശ്‌മീർ, പാകിസ്ഥാനിലെ ഭീകരരെ കൈമാറുക എന്നീ ആവശ്യങ്ങളിൽ മാത്രമാണ് ഇനി ചർച്ചയ്ക്ക് തയ്യാറാവൂ എന്നതാണ് ഇന്ത്യയുടെ നിലപാട്.