ഒമാൻ ഉൾക്കടലില്‍ കപ്പലുകൾ കൂട്ടിയിടിച്ച് അപകടം

അബുദാബി : ഒമാൻ ഉൾക്കടലില്‍ കപ്പലുകൾ കൂട്ടിയിടിച്ച് അപകടം.മൂന്ന് കപ്പലുകള്‍ തമ്മില്‍ കൂട്ടിയിടിച്ചാണ് അപകടം ഉണ്ടായതെന്നാണ് വിവരം. അഡലിന്‍ എണ്ണക്കപ്പലും മറ്റ് രണ്ട് കപ്പലുകളും കൂട്ടിയിടിച്ചാണ് അപകടം ഉണ്ടായത്. അപകടത്തില്‍ എണ്ണ ടാങ്കറിന് തീ പിടിച്ചതായും റിപ്പോർട്ടുകളുണ്ട്. എണ്ണക്കപ്പലില്‍ നിന്ന് 24 ജീവനക്കാരെ യുഎഇ തീരദേശ സുരക്ഷ വിഭാഗം രക്ഷപ്പെടുത്തി. ഒമാന്‍ ഉള്‍ക്കടലില്‍ യുഎഇ തീരത്ത് നിന്ന് 24 നോട്ടിക്കല്‍ മൈല്‍ അകലെയാണ് അപകടം .