തൃശ്ശൂർ : കുന്നംകുളം പുതിയ സ്റ്റാൻഡിൽ നിർത്തിയിട്ടിരുന്ന സ്വകാര്യ ബസ് മോഷണം പോയി.ബസ് പിന്നീട് ഗുരുവായൂരിൽ നിന്ന് കണ്ടെത്തി.സംഭവത്തിൽ ബസിന്റെ മുൻ ഡ്രൈവർ ഷംനാദിനെ കുന്നംകുളം പൊലീസ് പിടികൂടി.
കുന്നംകുളം – ഗുരുവായൂർ റൂട്ടിൽ സർവീസ് നടത്തുന്ന ഷോണി ബസ്സാണ് സ്റ്റാൻഡിൽ നിന്നും കാണാതായത് .പുലർച്ചെ 4.10ന് പ്രതി ബസ് ഓടിച്ചു പോകുന്ന ദൃശ്യങ്ങൾ ബസ് സ്റ്റാന്റിലെ സിസിടിവി കാമറയിൽ പതിഞ്ഞിരുന്നു .തുടർന്ന് പോലീസ് നടത്തിയ അന്വേഷണത്തിലാണ് ഗുരുവായൂർ റെയിൽവേ മേൽപ്പാലത്തിന് സമീപത്ത് നിന്ന് ബസ് കണ്ടെത്തിയത്. മറ്റ് യാത്രാ മാർഗ്ഗങ്ങൾ ഇല്ലാത്തതിനാലാണ് ബസ് എടുത്ത് കൊണ്ടു പോയതെന്നാണ് ഷംനാദ് പൊലീസിന് മൊഴി നൽകിയത്.
