പന്തളം : വീട്ടുമുറ്റത്ത് കിടന്ന കാർ അടിച്ചുതകർത്ത കേസിൽ മൂന്നുപേരെ പന്തളം പോലീസ് അറസ്റ്റ് ചെയ്തു. പന്തളം തവളംകുളം വാഴപ്ലാവിൽ തെക്കതിൽ വീട്ടിൽ (മനോജ് ഭവനം)കിരണിന്റെ ആൾട്ടോ കാർ ചൊവ്വാഴ്ചയാണ് പ്രതികൾ വീട്ടിൽ അതിക്രമിച്ചു കയറി നശിപ്പിച്ചത്.
പഴകുളം പൊന്മന കിഴക്കേതിൽ ലൈജു (28),പഴകുളം ഭവദാസൻമുക്ക് വട്ടത്തിനാൽ തെക്കേക്കര വീട്ടിൽ അരുൺ(27),പഴകുളം പന്ത്രാംകുഴി ഷാഹുൽ ജമാൽ (34) എന്നിവരാണ് പിടിയിലായത്. ഇവരെ കോടതിയിൽ ഹാജരാക്കി റിമാൻഡ് ചെയ്തു.
