ന്യൂഡൽഹി : പശ്ചിമേഷ്യൻ സംഘർഷം തുടരുന്നതിനിടയിൽ രണ്ട് ഇന്ത്യൻ എൽപിജി കപ്പലുകൾ കൂടി ഹൊർമുസ് കടലിടുക്ക് കടക്കാനൊരുങ്ങുന്നു .പൈൻ ഗ്യാസ്, ജഗ് വസന്ത് എന്നീ കപ്പലുകളാണ് ഹൊർമുസ് കടക്കാനൊരുങ്ങുന്നത്. ഷാർജയ്ക്ക് സമീപം നിലയുറപ്പിച്ചിരിക്കുന്ന കപ്പലുകൾ ശനിയാഴ്ച തന്നെ യാത്ര തിരിച്ചേക്കുമെന്ന് ബന്ധപ്പെട്ട വൃത്തങ്ങൾ സൂചിപ്പിക്കുന്നു.ജഗ് വസന്ത് ബിപിസിഎല്ലും പൈൻ ഗ്യാസ് ഐഒസിയുമാണ് ചാർട്ടർ ചെയ്തിരിക്കുന്നത്.
ഗൾഫ് മേഖലയിലുള്ള ഇന്ത്യയുടെ 22 കപ്പലുകളുടെ സുരക്ഷിതമായ മടക്കയാത്ര ഉറപ്പാക്കാൻ പ്രധാനമന്ത്രി നരേന്ദ്ര മോദി വിവിധ ലോകനേതാക്കളുമായി ചർച്ചകൾ നടത്തിവരികയാണെന്ന് വിദേശകാര്യ മന്ത്രാലയ വക്താവ് രൺധീർ ജയ്സ്വാൾ അറിയിച്ചു.
