ശ്രീനഗർ : ജമ്മു കശ്മീരിലെ കിഷ്ത്വാർ ജില്ലയിൽ വ്യാഴാഴ്ച വൈകുന്നേരം രണ്ട് വില്ലേജ് ഡിഫൻസ് ഗ്രൂപ്പ് (വിഡിജി) അംഗങ്ങളെ ഭീകരർ തട്ടിക്കൊണ്ടുപോയി കൊലപ്പെടുത്തി. ഒഹ്ലി കുന്ത്വാര ഗ്രാമവാസികളായ നസീർ അഹമ്മദ്, കുൽദീപ് കുമാർ എന്നിവരാണ് മരിച്ചത്. ആക്രമണത്തിന്റെ ഉത്തരവാദിത്തം ജെയ്‌ഷെ മുഹമ്മദ് ഭീകരർ ഏറ്റെടുത്തു. കണ്ണുകൾ മൂടിക്കെട്ടിയ മൃതദേഹങ്ങളുടെ ചിത്രങ്ങളും പങ്കുവെച്ചു.
കന്നുകാലികളെ മേയ്ക്കാൻ കാട്ടിൽ പോയപ്പോഴാണ് നസീറിനെയും കുൽദീപിനെയും ഭീകരർ തട്ടിക്കൊണ്ടുപോയത്. മൃതദേഹങ്ങൾ കണ്ടെത്താനായി പൊലീസും അതിർത്തി സുരക്ഷ സേനയും തെരച്ചിൽ നടത്തുകയാണ്. കൊലപാതകത്തെ ലഫ്റ്റനൻ്റ് ഗവർണർ മനോജ് സിൻഹ, മുഖ്യമന്ത്രി ഒമർ അബ്ദുള്ള,കോൺഗ്രസ്, ബിജെപി നേതാക്കൾ തുടങ്ങിയവർ അപലപിച്ചു.
 അംഗങ്ങളെ ഭീകരർ തട്ടിക്കൊണ്ടുപോയി){kind=link}