തിരുവല്ല: തിരുവല്ല സ്വകാര്യ ബസ് സ്റ്റാൻഡിന് സമീപം അജ്ഞാത മൃതദേഹം കണ്ടെത്തി. ആക്രി പെറുക്കി നടന്നിരുന്നതും 60വയസിന് മുകളിൽ പ്രായം തോന്നിക്കുന്നതും പേരും സ്ഥലവും തിരിച്ചറിയാത്ത പുരുഷന്റെ മൃതദേഹമാണ് കണ്ടെത്തിയത്.
ഇന്ന് പകൽ ആറുമണിയോട് കൂടി സ്വകാര്യ ബസ് സ്റ്റാൻഡിനു സമീപം എസ് എൻ ലോട്ടറി ഏജൻസി കടയുടെ ഉൾവശത്തെ തട്ടിൻ്റെ താഴെയായി അനക്കമില്ലാതെ നിലയിൽ കണ്ടത്. തുടർന്ന് പ്രദേശവാസികൾ പോലീസിൽ വിവരമറിയിക്കുകയും പോലീസ് എത്തി ആംബുലൻസിൽ കയറ്റി തിരുവല്ല ഗവൺമെന്റ് ആശുപത്രിയിൽ എത്തിച്ച് ഡോക്ടർ പരിശോധിച്ചപ്പോൾ മരണപ്പെട്ടതായി അറിയിച്ചു. മൃതദേഹം തിരുവല്ല താലൂക്ക് ആശുപത്രി മോർച്ചറിയിലേക്ക് മാറ്റി.
