വയനാട് : വയനാട് ദുരന്തത്തിൽ മരിച്ചവരുടെ മൃതശരീരങ്ങൾ തിരിച്ചറിയുന്നത്തിനുള്ള ശാസ്ത്രീയ പരിശോധനയ്ക്കായി ബന്ധുക്കളുടെ രക്തസാമ്പിൾ ശേഖരണം തുടങ്ങി. ആദ്യഘട്ടത്തിൽ ദുരന്ത മേഖലയില് നിന്നും ലഭിച്ച തിരിച്ചറിയാനാവാത്ത മൃതദേഹങ്ങളുടെ ഡിഎന്എ ശേഖരിച്ച് തുടങ്ങിയത്.
ശേഖരിക്കുന്ന രക്ത സാമ്പിളുകളും ഡിഎന്എകളും തമ്മിലുള്ള പൊരുത്തം പരിശോധിക്കും. ജില്ലാ ആശുപത്രിയിലെ ബ്ലഡ് ബാങ്ക് മെഡിക്കല് ഓഫീസര് ഡോ ബിനുജ മെറിന് ജോയുടെ നേതൃത്വത്തില് മേപ്പാടി ഗവ. ഹയര്സെക്കന്ഡറി സ്കൂളിലും പഞ്ചായത്ത് ഹാളിലുമാണ് രക്ത സാമ്പിൾ ശേഖരിക്കുന്നത്.
വളരെ അടുത്ത ബന്ധുക്കളുടെ രക്ത സാമ്പിളാണ് പരിശോധനയ്ക്ക് എടുക്കുന്നത്.
