മല്ലപ്പള്ളി: വായ്പൂർ സെക്ഷൻ പരിധിയിൽ വരുന്ന കെ എസ് ഇ ബി ഓഫീസിൽ ഒരു കൂട്ടം യുവാക്കൾ കയറി ബഹളം വയ്ക്കുകയും ഡ്യൂട്ടിയിൽ ഉണ്ടായിരുന്ന ഓവർസിയർ വിൻസെന്റ് രാജിനെ ക്രൂരമായി മർദ്ദിക്കുകയും ചെയ്തതായി പരാതി. കഴിഞ്ഞ ദിവസം വൈകിട്ടായിരുന്നു പരാതിക്ക് ആസ്പദമായ സംഭവം നടന്നത്. മർദ്ദനത്തിൽ പരുക്കേറ്റ വിൻസെന്റ് രാജിനെ മല്ലപ്പള്ളി താലൂക്ക് ആശുപത്രിയിൽ പ്രവേശിപ്പിക്കുകയും തുടർന്ന് മെഡിക്കൽ കോളേജിലേക്ക് റഫർ ചെയ്യുകയും ചെയ്തു.
സംഭവത്തിൽ പ്രതിഷേധിച്ചു കെഎസ്ഇബി ഓഫീസർമാരും തൊഴിലാളികളും സംയുക്‌തമായി ഇന്ന് ഉച്ചയ്ക്ക് 2 ന് പ്രതിഷേധറാലിയും യോഗവും നടത്തും.
