കൊച്ചി : കൂത്തുപറമ്പ് മൂര്യാട് അയോധ്യാനഗറിലെ ബിജെപി പ്രവർത്തകൻ കുമ്പള പ്രമോദിനെ വെട്ടിക്കൊലപ്പെടുത്തിയ കേസിൽ പ്രതികളായ പത്ത് സിപിഎം പ്രവർത്തകരുടെ ശിക്ഷ ഹൈക്കോടതി ശരിവെച്ചു.പ്രതികൾ നൽകിയ അപ്പീൽ തള്ളികൊണ്ടാണ് ഹൈക്കോടതി ശിക്ഷ ശരിവെച്ചത്.2007 ഓഗസ്റ്റ് 16ന് രാവിലെയാണ് പ്രതികളുടെ ആക്രമണത്തിൽ പ്രമോദ് കൊല്ലപ്പെടുകയും സുഹൃത്തായ പ്രകാശനു ഗുരുതരമായി പരുക്കേൽക്കുകയും ചെയ്തത് .
കേസിലെ പ്രതികളായ നഗരസഭാംഗവും അഭിഭാഷകനുമുൾപ്പെടെ 10 സിപിഎം പ്രവർത്തകരെ ജീവപര്യന്തം കഠിനതടവിനും ഒരു ലക്ഷം രൂപ വീതം പിഴ അടയ്ക്കാനും അഡീഷണൽ സെഷൻസ് കോടതി ശിക്ഷിച്ചിരുന്നു .ഒന്നാംപ്രതി സിപിഎം ലോക്കൽ സെക്രട്ടറിയായിരുന്ന താറ്റ്യോട്ട് ബാലകൃഷ്ണൻ വിചാരണയ്ക്കിടെ മരിച്ചിരുന്നു.
