ചരക്കു കപ്പലിലെ കണ്ടെയ്നറുകൾ കൊല്ലം തീരത്തടിയുന്നു

കൊല്ലം : അറബിക്കടലിൽ മുങ്ങിയ എംഎസ്‌സി എൽസ 3 ചരക്കു കപ്പലിലെ കണ്ടെയ്നറുകൾ കൊല്ലത്തെ വിവിധ തീരത്തടിയുന്നു.അര്‍ധരാത്രിയോടെ ആദ്യം കരുനാഗപ്പള്ളിയിലെ ചെറിയഴീക്കലിലാണ് ഒരു കണ്ടെയ്നറര്‍ അടിഞ്ഞത്. നീണ്ടകര,ചവറ , ശക്തികുളങ്ങര എന്നിവടങ്ങളിലും കണ്ടെയ്നറുകള്‍ അടിഞ്ഞു. തീരത്തടിഞ്ഞ കണ്ടെയ്നറുകളിൽ ചിലത് തുറന്ന നിലയിലാണ്. ആലപ്പുഴ തറയിൽക്കടവ് ഭാഗത്ത് കടലിലും കണ്ടെയ്നര്‍ കണ്ടെത്തി. കണ്ടെയ്നറുകളുടെ അടുത്തേക്ക് യാതൊരു കാരണവശാലും പോകരുതെന്നും തൊടാൻ ശ്രമിക്കരുതെന്നും ദുരന്ത നിവാരണ അതോറിറ്റിയുടെ മുന്നറിയിപ്പുണ്ട് .