തിരുവനന്തപുരം : വിഴിഞ്ഞത്ത്‌ കപ്പൽ കാണാൻ എത്തിയ യുവാവിനെ കടലിൽ വീണ് കാണാതായി.പുളിങ്കുടി ആഴിമല അജീഷ് ഭവനിൽ അനിൽ– ബീന ദമ്പതിമാരുടെ മകൻ അജീഷ് (26) നെയാണ് കാണാതായത്.ഇന്നലെ സന്ധ്യയോടെയാണ് അപകടം നടന്നത് .
വിഴിഞ്ഞം അന്താരാഷ്‌ട്ര തുറമുഖവും കപ്പലും കാണാൻ കുടുംബത്തിനൊപ്പം എത്തിയ അജേഷ് ചിത്രങ്ങൾ എടുക്കുന്നതിനായി പാറക്കെട്ടിന് മുകളിൽ കയറി നിൽക്കുകയായിരുന്നു.ഇതിനിടയിൽ ശക്തമായ തിരയിൽപെട്ട് അജീഷ് കടലിൽ വീഴുകയായിരുന്നുവെന്നാണ് കൂടെയുള്ളവർ അറിയിച്ചത്. കോസ്റ്റൽ പൊലീസും മറൈൻ എൻഫോഴ്സ്മെന്റ് വിഭാഗവും ബോട്ടുകളിൽ തിരച്ചിൽ നടത്തുകയാണ്.
