ആറന്മുള : ഭഗവാൻ പാർഥസാരഥിക്ക് തിരുവോണവിഭവങ്ങളുമായി കാട്ടൂരിൽ നിന്നെത്തിയ തിരുവോണത്തോണി യാത്രയ്ക്ക് ആറന്മുള ക്ഷേത്രകടവിൽ ഭക്തിനിർഭരമായ വരവേൽപ്പ് നൽകി. തോണിയെ ആചാര നിറവിൽ ക്ഷേത്രത്തിലേയ്ക്ക് സ്വീകരിക്കാൻ വലിയ ഭക്തജനത്തിരക്കാണ് ഇന്ന് പുലർച്ചെ അനുഭവപ്പെട്ടത്.
തിരുവാറന്മുളയപ്പന് ഓണമുണ്ണാൻ ഓണവിഭവങ്ങളുമായി മങ്ങാട്ട് ഭട്ടതിരി കാട്ടൂരിലെ 18 നായർ കുടുംബാംഗങ്ങളുമായാണ് എത്തിയത്. ഓണസദ്യയും കഴിഞ്ഞ് അത്താഴ പൂജയ്ക്ക് ശേഷം പണക്കിഴി ഭണ്ഡാരത്തിൽ നിക്ഷേപിച്ച് മങ്ങാട്ട് ഭട്ടതിരി മടങ്ങുന്നതോടെ ചടങ്ങ് സമാപിക്കും.
