ആലപ്പുഴ: പൊതുവിദ്യാലയങ്ങളിലെ ഹൈസ്കൂൾ, ഹയർസെക്കണ്ടറി അധ്യാപകർക്കായി കൈറ്റിന്റെ നേത്യത്വത്തിൽ നടന്നു വരുന്ന ആർട്ടിഫിഷൽ ഇന്റലിജൻസ് അടിസ്ഥാനമാക്കിയുള്ള പരിശീലനം കൂടുതൽ കേന്ദ്രങ്ങളിൽ നടത്തുന്നു. ജില്ലയില് ഇതുവരെ 315 അധ്യാപകർക്കും പരിശീലനം നൽകി.
തുടർന്നുള്ള ബാച്ചുകൾ മെയ് 15-17, 20-22, 23- 25, 27-29 തീയതുകളില് SNM ബോയ്സ് എച്ച് എസ് എസ് ചേർത്തല, കൈറ്റ് ജില്ലാ ഓഫീസ് ആലപ്പുഴ, ഗവൺമെൻറ് ഗേൾസ് ഹൈസ്കൂൾ ഹരിപ്പാട്, എസ് വി എച്ച് എസ് കായംകുളം, സെൻറ് ജോൺസ് എച്ച് എസ് എസ് മറ്റം, N S ബോയ്സ് എച്ച് എസ് എസ് മാന്നാർ, SMHSS ചമ്പക്കുളം എന്നീ കേന്ദ്രങ്ങളിൽ ക്രമീകരിച്ചിട്ടുണ്ട്. ഈ കേന്ദ്രങ്ങളിലേക്ക് വിദ്യാലയങ്ങളിൽ നിന്ന് സ്കൂള് മേധാവികൾക്ക് അധ്യാപകരെ ട്രെയിനിംഗ് മാനേജമെന്റ് സിസ്റ്റം വഴി നേരിട്ട് രജിസ്റ്റർ ചെയ്യാനുള്ള സൗകര്യം ഒരുക്കിയിട്ടുണ്ട്. എല്ലാ സ്കൂള് മേധാവികളും പരിശീലനം ഇനിയും നേടാനുള്ള അധ്യാപകരെ രജിസ്റ്റർ ചെയ്യേണ്ടതാണ്
