തിരുവല്ല : പെരിങ്ങര പുതുക്കുളങ്ങര ഭഗവതീക്ഷേത്രത്തിൽ 13 – മത് ശ്രീമദ് ഭാഗവതസപ്താഹയജ്ഞത്തിന് തുടക്കമായി. ഇന്ന് (തിങ്കൾ) വൈകിട്ട് ക്ഷേത്രം മേൽശാന്തി ഈശ്വരൻ നമ്പൂതിരി ഭദ്രദീപ പ്രകാശനം ചെയ്തു സപ്താഹ യജ്ഞത്തിന് തുടക്കം കുറിച്ചു. തുടർന്ന് ശ്രീമദ് ഭാഗവത മാഹാത്മ്യ പ്രഭാഷണം നടത്തി. വയലാ അരവിന്ദാക്ഷനാണ് യജ്ഞാചാര്യൻ. വേണുഗോപാൽ പെരിങ്ങര, സുമദേവി പാതിരിക്കൽ എന്നിവർ യജ്ഞ പൗരാണികൾ.
27-ന് രാവിലെ 7.30-ന് പാരായണം തുടങ്ങും. ദിവസവും ഉച്ചയ്ക്ക് അന്നദാനം, വൈകീട്ട് ഭജന എന്നിവ ഉണ്ടായിരിക്കും. 29-ന് 11.30-ന് ഉണ്ണിയൂട്ട്, 30-ന് ഗോവിന്ദപട്ടാഭിഷേകം, 31-ന് രുക്മിണീസ്വയംവരം, 31-ന് വൈകീട്ട് അഞ്ചിന് സർവൈശ്വര്യപൂജ, ജൂൺ രണ്ടിന് വൈകീട്ട് നാലിന് പാരായണ സമർപ്പണം എന്നിവ ഉണ്ടാകും.
 വൈകിട്ട് ക്ഷേത്രം){kind=link}