കൊല്ലം: ഓട്ടത്തിനിടെ ഗുരുവായൂര് – മധുര എക്സ്പ്രസ്സിന്റെ ബോഗികൾ വേര്പ്പെട്ടു. ന്യൂ ആര്യങ്കാവ് റെയില്വേ സ്റ്റേഷന് സമീപം ഇന്ന് ഉച്ചയ്ക്ക് 3 മണിക്കായിരുന്നു സംഭവം. ട്രെയിന്റെ വേഗത കുറഞ്ഞതിനാൽ വലിയ അപകടം ഒഴിവായി.
ഓട്ടോമാറ്റിക് ബ്രേക് സിസ്റ്റം ഉണ്ടായിരുന്നതിനാല് വേര്പെട്ട് മുന്നോട്ട് പോയ എഞ്ചിനോട് ചേര്ന്ന ഭാഗം അധികം ദൂരത്തല്ലാതെ നിന്നു. ട്രെയിനിന്റെ മധ്യഭാഗത്ത് നിന്നാണ് ബോഗികള് തമ്മിലെ ബന്ധം വേർപെട്ടത്. പിന്നീട് റെയില്വെ സാങ്കേതിക വിഭാഗം ജീവനക്കാരെത്തി പ്രശ്നം പരിഹരിച്ചു. 40 മിനിറ്റോളം വൈകിയാണ് യാത്ര തുടര്ന്നത്. സംഭവത്തില് റെയില്വേ അന്വേഷണം ആരംഭിച്ചു
