കോന്നി : കോന്നി മെഡിക്കൽ കോളേജ് ആശുപത്രിയിൽ ഒപി സമയങ്ങളിൽ മാറ്റം വരുത്തിയതായി മെഡിക്കൽ കോളേജ് പ്രിൻസിപ്പൽ. തിങ്കൾ മുതൽ ശനി വരെ ഇനി രാവിലെ 8 മുതൽ ഉച്ച കഴിഞ്ഞ് 2 വരെ ഒപി പ്രവർത്തിക്കും.
നേരത്തെ രാവിലെ 9 മുതൽ 1 വരെയാണ് പ്രവർത്തിച്ചിരുന്നത്. വികലാംഗർക്കും 60 വയസ് കഴിഞ്ഞവർക്കും മരുന്നുകൾ വാങ്ങുന്നതിനും രജിസ്ട്രേഷനും പ്രത്യേക ക്യൂ ഏർപ്പെടുത്തി. അത്യാഹിത വിഭാഗത്തിൽ 24 മണിക്കൂറും ചികിൽസാ സൗകര്യം ഏർപ്പെടുത്തിയതായും പ്രിൻസിപ്പൽ അറിയിച്ചു
