ന്യൂഡൽഹി : മുഖ്യമന്ത്രി സ്ഥാനത്തെക്കുള്ള തർക്കത്തിൽ കേരളത്തിലെ സാഹചര്യം അതീവ സങ്കീർണ്ണമെന്ന് ഹൈക്കമാൻഡ് നിരീക്ഷകർ നേതൃത്വത്തിന് നൽകിയ റിപ്പോർട്ടിൽ സൂചിപ്പിച്ചു .63 കോൺഗ്രസ് എംഎൽഎമാർക്കിടയിൽ നാൽപതിലേറെപ്പേരുടെ പിന്തുണയാണ് കെ.സി.വേണുഗോപാലിനുള്ളത്. പാർട്ടി അണികൾക്കിടയിലും പൊതുസമൂഹത്തിലും സതീശൻ മുഖ്യമന്ത്രിയാകണമെന്ന പൊതുവികാരമുണ്ട്. പ്രായത്തിലും പ്രവർത്തനത്തിലും രമേശ് ചെന്നിത്തലയാണു സീനിയർ.
അതേസമയം, ഘടക കക്ഷികൾ സതീശനൊപ്പമുണ്ടെന്നതും ശ്രദ്ധയേമാണെന്നും റിപ്പോർട്ടിൽ ചൂണ്ടിക്കാട്ടുന്നു.കേന്ദ്ര നേതൃത്വത്തിന്റെ വിളിപ്പിച്ചതിനെ തുടർന്ന് വി.ഡി. സതീശൻ, സണ്ണി ജോസഫ്, രമേശ് ചെന്നിത്തല എന്നിവർ ഇന്നലെ രാത്രിയോടെ ഡൽഹിയിലെത്തി.നേതാക്കളുമായി ഹൈക്കമാന്ഡ് നേതൃത്വം ഇന്ന് ചര്ച്ച നടത്തും.
