തിരുവനന്തപുരം : കാട്ടാക്കട പൂവച്ചൽ ഹയർസെക്കൻഡറി സ്കൂളിൽ വിദ്യാർത്ഥികൾ തമ്മിൽ സംഘർഷം.തടയാന് ശ്രമിച്ച പ്രിന്സിപ്പലിനും പി.ടി.എ പ്രസിഡന്റിനും മര്ദനമേറ്റു.സ്കൂളിലെ പ്ലസ് വണ് – പ്ലസ് ടു വിദ്യാര്ഥികള് തമ്മിലാണ് ആക്രമം ഉണ്ടായത്.തടയാന് ശ്രമിച്ച സ്കൂളിലെ പ്രിന്സിപ്പല് പ്രിയയ്ക്കും പി.ടി.എ പ്രസിഡന്റ് രാഘവ ലാലിനുമാണ് പരിക്കേറ്റത്.
ഇന്ന് രാവിലെയാണ് സംഭവം.വിദ്യാര്ഥികള് തമ്മില് നിലനിന്നിരുന്ന തര്ക്കം പരിഹരിക്കാൻ ഇവരെ ചര്ച്ചയ്ക് വിളിച്ചതായിരുന്നു. ഇതിനിടെയാണ് വീണ്ടും തർക്കമുണ്ടാവുകയും കസേരയെടുത്ത് വിദ്യാര്ഥികൾ പരസ്പരം ആക്രമിക്കുകയുമായിരുന്നു. ഗുരുതരമായി പരിക്കേറ്റ പ്രിന്സിപ്പലിനെ സ്വകാര്യ ആശുപത്രിയില് പ്രവേശിപ്പിച്ചു.
