കൊല്ലം : മന്ത്രി കെ ബി ഗണേഷ് കുമാറിനെ പുകഴ്ത്തിയ കോണ്‍ഗ്രസ് നേതാവിനെ പാര്‍ട്ടിയില്‍ നിന്ന് പുറത്താക്കി.കൊല്ലം വെട്ടിക്കവല ഗ്രാമപഞ്ചായത്ത് പ്രസിഡന്റ് തലച്ചിറ അസീസിനെയാണ് കോൺഗ്രസിൽ നിന്ന് പുറത്താക്കിയത്.പാര്‍ട്ടി നിര്‍ദേശങ്ങള്‍ അവഗണിച്ച് പാര്‍ട്ടിക്ക് ദോഷകരമായ പ്രവര്‍ത്തനങ്ങളിലേര്‍പ്പെട്ടു എന്നാണ് പാർട്ടിയുടെ പ്രസ്താവനയില്‍ പറയുന്നത് .
തലച്ചിറയിൽ നടന്ന റോഡ് ഉദ്ഘാടന വേദിയിലാണ് അസീസ് മന്ത്രി കെബി ഗണേഷ് കുമാറിനെ പുകഴ്ത്തിയത്.ഗണേഷ് കുമാറിനെ വീണ്ടും നിയമസഭയിലേക്ക് തെരഞ്ഞെടുക്കണമെന്നും അസീസ് ആഹ്വാനം ചെയ്തിരുന്നു.അതേസമയം,തലച്ചിറ അസീസ് കേരള കോൺഗ്രസ് ബിയിൽ ചേരും എന്നാണ് സൂചന.
