തൃശ്ശൂർ : തൃശ്ശൂർ വെടിക്കെട്ട് അപകടത്തിന്റെ പശ്ചാത്തലത്തിൽ പാറമേക്കാവിന്റെ വെടിക്കോപ്പ് നിർമാണത്തിന് സ്റ്റോപ്പ് മെമോ നൽകി പാലക്കാട് ജില്ലാ കളക്ടർ.പാലക്കാട് മുതലമട വെള്ളാരംകടവിലുള്ള വെടിമരുന്ന് നിർമ്മാണശാലയ്ക്കാണ് സ്റ്റോപ്പ് മെമ്മോ നൽകിയത്.
അതേസമയം ,ഇത്തവണ വെടിക്കെട്ടിനില്ലെന്ന് തിരുവമ്പാടി ദേവസ്വം സെക്രട്ടറി ഗിരീഷ് കുമാർ പറഞ്ഞു .ആഘോഷവും ആഡംബരവും ഉണ്ടാകില്ല.സര്‍ക്കാര്‍ നിര്‍ദേശപ്രകാരമായിരിക്കും പൂരം എഴുന്നള്ളിപ്പ് നടത്തുകയെന്നും ദേവസ്വം സെക്രട്ടറി അറിയിച്ചു. പൂരം നടത്തിപ്പില്‍ ജനവികാരം പരിഗണിക്കുമെന്നും വെടിക്കെട്ട് ഒഴിവാക്കുന്നതിനെക്കുറിച്ച് ജില്ലാ ഭരണകൂടവുമായി കൂടിയാലോചിച്ച ശേഷം തീരുമാനമെടുക്കുമെന്നും പാറമേക്കാവ് ദേവസ്വവും അറിയിച്ചു.
