അടൂർ : കഴുത്തിൽ കയർ കുരുങ്ങിയതിനെ തുടർന്ന് ചിറയിലേക്ക് പോത്ത് വീഴുന്നതു കണ്ട് കുഴഞ്ഞു വീണ വയോധികൻ മരിച്ചു. ഏനാദിമംഗലം മങ്ങാട് സ്വദേശി രാജൻ (75) ആണ് മരിച്ചത്. ഇന്ന് 3 നായിരുന്നു സംഭവം.
രാജൻ്റെ ഉടമസ്ഥതയിലുള്ള പോത്ത് മങ്ങാട് ഗണപതിച്ചിറയിലേക്കാണ് കയർ കഴുത്തിൽ കുരുങ്ങി വീണത്. വിവരമറിഞ്ഞ് അഗ്നിശമന സേനാ യൂണിറ്റ് എത്തിയപ്പോഴേക്കും പോത്ത് ചരിഞ്ഞു. ഇതു കണ്ട് കുഴഞ്ഞു വീണ രാജനെ ആശുപത്രിയിലേക്ക് കൊണ്ടുപോകും വഴി മരിച്ചു. സംസ്കാരം പിന്നീട്.
