കോട്ടയം : പരുമല സെമിനാരിയുടെ മാനേജരായി ഫാ എൽദോസ് ഏലിയാസിനെയും, അസിസ്റ്റന്റ് മാനേജരായി ഫാ ഗീവർഗ്ഗീസ് മാത്യു (ജെറിൻ)വിനെയും പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ നിയമിച്ചു.
ഫാ. എൽദോസ് ഏലിയാസ് പരുമല സെമിനാരിയുടെ അസിസ്റ്റന്റ് മാനേജരായി പ്രവർത്തിച്ചിട്ടുണ്ട്. നിലവിൽ മാനേജർ ഇൻ ചാർജാണ്. പരിശുദ്ധ ബസേലിയോസ് മാർത്തോമ്മാ ദിദിമോസ് പ്രഥമൻ കാതോലിക്കാ ബാവായുടെ സെക്രട്ടറിയായും സേവനമനുഷ്ഠിച്ചിട്ടുണ്ട്. മലങ്കര ഓർത്തഡോക്സ് സുറിയാനി സഭയുടെ മലബാർ ഭദ്രാസനത്തിലെ എടക്കര സെന്റ് മേരീസ് പള്ളി ഇടവകാംഗമാണ്.
അസി.മാനേജരായി നിയമിതനായ ഫാ. ഗീവർഗ്ഗീസ് മാത്യു കോട്ടയം ഞാലിയാംകുഴി മാർ ബസേലിയോസ് ദയറാ അംഗവും, മലങ്കര ഓർത്തഡോക്സ് സുറിയാനി സഭയുടെ കോട്ടയം ഭദ്രാസനത്തിലെ പൊങ്ങന്താനം സെൻ്റ് തോമസ് പള്ളി ഇടവകാംഗവുമാണ്.
വിനെയും){kind=link}