ലക്നൗ : ഉത്തർപ്രദേശിലെ ത്സാൻസി ജില്ലയിലെ മഹാറാണി ലക്ഷ്മി ബായ് മെഡിക്കൽ കോളജ് ആശുപത്രിയിലുണ്ടായ തീപിടിത്തത്തിൽ 10 നവജാത ശിശുക്കൾക്ക് ദാരുണാന്ത്യം .16 കുഞ്ഞുങ്ങളുടെ നില ഗുരുതരമാണ്. നവജാത ശിശുക്കളുടെ തീവ്ര പരിചരണ വിഭാഗത്തിലാണ് തീപിടിത്തമുണ്ടായത്. വെള്ളിയാഴ്ച രാത്രി പത്തേമുക്കാലോടെയാണ് അപകടം .തീപിടിത്തമുണ്ടായ സമയം അൻപതോളം നവജാത ശിശുക്കളാണ് തീവ്ര പരിചരണ വിഭാഗത്തിൽ ഉണ്ടായിരുന്നത്.ഷോർട് സർക്യൂട്ടാണ് കാരണമെന്നാണ് പ്രാഥമിക വിലയിരുത്തൽ.
സംഭവത്തിൽ രാഷ്‌ട്രപതി,പ്രധാനമന്ത്രി,ഉത്തർപ്രദേശ് മുഖ്യമന്ത്രി തുടങ്ങിയവർ അനുശോചനം രേഖപ്പെടുത്തി.ഉന്നതതല അന്വേഷണത്തിന് മുഖ്യമന്ത്രി യോഗി ആദിത്യനാഥ് ഉത്തരവിട്ടു.
