എംഎൽഎമാർ താമസിക്കുന്ന കെട്ടിടത്തിൽ നിന്നും വീണ് മുൻ യുപി മന്ത്രി മരിച്ചു

ലക്‌നൗ : എംഎൽഎമാർ താമസിക്കുന്ന കെട്ടിടത്തിൽ നിന്നും വീണ് മുൻ യുപി മന്ത്രി മരിച്ചു .മുൻ മന്ത്രിയും ബിജെപി നേതാവുമായ നാനക് റാം ഭുർജി (68)യാണ് മരിച്ചത് .ചൊവ്വാഴ്ച  ഉച്ചയ്ക്ക് ശേഷം ലക്നൗവിലെ ഹസ്രത്ഗഞ്ചിലെ എംഎൽഎമാർക്ക് താമസിക്കാൻ നിർമിച്ച കെട്ടിടസമുച്ചയത്തിന്റെ ഏഴാം നിലയിൽ നിന്നും നാനക് റാം വീഴുകയായിരുന്നു. ആശുപത്രിയിലെത്തിച്ചപ്പോഴേക്കും നാനക് റാം മരിച്ചതായി ഡോക്ടർമാർ അറിയിച്ചു. ബിജെപി ഒബിസി മോർച്ചയുടെ യുപി സംസ്ഥാന സെക്രട്ടറിയായിരുന്നു.