തിരുവല്ല: ഗാന്ധിജയന്തി ദിനത്തിൽ കടപ്ര ഗ്രാമപഞ്ചായത്തിൽ മാലിന്യമുക്തം നവകേരളം ശുചീകരണ പ്രവർത്തനങ്ങൾ സംഘടിപ്പിച്ചു. വളഞ്ഞവട്ടം കണ്ണശ്ശ സ്മാരക ഹയർ സെക്കൻഡറി സ്കൂൾ പരിസരത്തിൽ നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് നിഷാ അശോകൻ ഉദ്ഘാടനം ചെയ്തു.
വൈസ് പ്രസിഡന്റ് മിനി ജോസ് ആദ്ധ്യക്ഷത വഹിച്ചു. ഗ്രാമപഞ്ചായത്ത് അംഗങ്ങളായ മേഴ്സി വർഗ്ഗീസ്, വിമല ബെന്നി എന്നിവർ പ്രസംഗിച്ചു. ഇതിനോട് അനുബന്ധിച്ച് പഞ്ചായത്തിലെ വിവിധ വാർഡുകളിലെ ശുചീകരണ പ്രവർത്തനങ്ങൾ വാർഡ് മെമ്പറുമാരുടെ നേതൃത്വത്തിൽ നടന്നു.
