മല്ലപ്പള്ളി : പെരുമ്പെട്ടിയിൽ കുറുക്കൻ്റെ ശല്യം രൂക്ഷമായതോടെ ജനം ഭീതിയിലായി. കുറുക്കൻ്റെ ആക്രമണത്തിൽ തൂങ്ങു പാല വീട്ടിൽ രാജൻകുട്ടി (58) , മകൻ രഞ്ജു (25), തോട്ടുങ്കൽ വീട്ടിൽ രാമൻകുട്ടി (78) എന്നിവർക്ക് പരുക്കേറ്റു. ഇവരെ റാന്നി താലൂക്ക് ആശുപത്രിയിൽ പ്രവേശിപ്പിച്ചു.
ഇന്ന് പുലർച്ചെ വളർത്തു നായ കുരയ്ക്കുന്നത് കേട്ട് പുറത്തിറങ്ങിയ രാമൻകുട്ടിയുടെ മുഖത്തേക്ക് ചാടി കുറുക്കൻ ആക്രമിക്കുകയായിരുന്നുവെന്ന് രാമൻകുട്ടിയുടെ മകൻ പറഞ്ഞു. ഇവിടെ നിന്ന് ഓടി മറഞ്ഞ കുറുക്കൻ തൊട്ടടുത്ത വീട്ടിലെ നായയേയും കടിച്ചു. രണ്ടാഴ്ച മുമ്പും ഇവിടെ കുറുക്കൻ്റെ ആക്രമണം നടന്നിരുന്നു.
){kind=link}