അമ്പലപ്പുഴ : അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിൽ നടക്കുന്ന പള്ളിപ്പാന മഹോത്സവ നടത്തിപ്പിലേക്ക് പുതുക്കാട് ശ്രീദേവീ ശാസ്താ ക്ഷേത്രത്തിൻ്റെ ആഭിമുഖ്യത്തിൽ കാഴ്ചദ്രവ്യ സമർപ്പണം നടത്തി. അരി, തേങ്ങ, വെളിച്ചെണ്ണ, വൻപയർ, ചെറുപയർ, പഞ്ചസാര മുതലായ പലവ്യഞ്ജനങ്ങളും പെട്ടെന്ന് കേടാകാത്ത പച്ചക്കറികളായ മത്തങ്ങ, കുമ്പളങ്ങ, വെള്ളരിക്ക, ചേന, ചേമ്പ്, കാച്ചിൽ തുടങ്ങിയവയാണ് ഭക്തജന സഹകരണത്തോടെ സമർപ്പിച്ചത്.
വാദ്യമേളങ്ങളുടെ അകമ്പടിയോടെ ഘോഷയാത്രയായാണ് അമ്പലപ്പുഴ ക്ഷേത്ര സന്നിധിയിൽ എത്തിയത്. ക്ഷേത്രം ഭാരവാഹികളായ പ്രസിഡൻ്റ് കെ ഹരിദാസ, സെക്രട്ടറി കെ.പി ഗോപകുമാർ, ഭരതൻ പായൽക്കുളങ്ങര, ആർ.വി രമണൻ, അശോക് കുമാർ, രാജേഷ്, ബേബി, ശ്യാമള, ഓമന, സ്റ്റാലിൻ, മണിയമ്മ തുടങ്ങിയവർ നേതൃത്വം നൽകി.
