കൊച്ചി: കെഎസ്ആർടിസി എറണാകുളം ബസ് സ്റ്റേഷനിൽ ശീതീകരിച്ച വിശ്രമ കേന്ദ്രം ഉദ്ഘാടനം ഇന്ന് നടക്കും.ഉപഭോക്തൃ സൗഹൃദ സേവനങ്ങൾ മെച്ചപ്പെടുത്തുന്നതിന്റെ ഭാഗമായി ശീതീകരിച്ച വിശ്രമ കേന്ദ്രങ്ങൾ കെഎസ്ആർടിസി ബസ് സ്റ്റേഷനുകളിൽ സ്ഥാപിച്ചു വരുന്നത്.
എറണാകുളം ബസ് സ്റ്റേഷനിൽ കെഎസ്ആർടിസിയുടെയും വണ്ടർലാ പാർക്ക്സ് & റിസോർട്ട് ഗ്രൂപ്പിന്റെയും സംയുക്ത സംരംഭമായി വനിതാ യാത്രക്കാർക്കും കുടുംബമായി എത്തുന്ന യാത്രക്കാർക്കും വിശ്രമിക്കാൻ പ്രവർത്തന സജ്ജമാക്കുന്നത്. ഇന്ന് വൈകിട്ട് 5.30 ന് കെഎസ്ആർടിസി ചെയർമാൻ & മാനേജിംഗ് ഡയറക്ടർ പ്രമോജ് ശങ്കർ IOFS അദ്ധ്യക്ഷത വഹിക്കുന്ന ചടങ്ങിൽ എറണാകുളം എം.എൽ.എ ടി. ജെ വിനോദ് ഉദ്ഘാടനം നിർവഹിക്കും.
വണ്ടർലാ പാർക്ക്സ് & റിസോർട്ട് ഗ്രൂപ്പ് വൈസ് പ്രസിഡൻറ് രവികുമാർ, എറണാകുളം ജില്ലാ കളക്ടർ എൻ എസ് കെ ഉമേഷ് ഐഎഎസ് മുഖ്യ അതിഥിയാകും
