മലപ്പുറം : മലപ്പുറം കൊണ്ടോട്ടിയിൽ കോളേജ് ക്യാമ്പസിൽ ഓണാഘോഷത്തിനു വിദ്യാർഥികൾ എത്തിയ കാറിൽനിന്ന് എംഡിഎംഎ പിടികൂടി. മലപ്പുറം എക്സൈസ് ആന്റി നർകോട്ടിക് സ്ക്വാഡ് കോളജ് പരിസരത്തു നടത്തിയ പരിശോധനയിലാണ് കോളജ് ഗ്രൗണ്ടിനു സമീപം പാർക്ക് ചെയ്ത കാറിൽ നിന്ന് ഒരു ഗ്രാം എംഡിഎംഎ പിടികൂടിയത് .
എക്സൈസ് പട്രോളിങ് വാഹനം കണ്ട ഉടൻ തന്നെ മൂന്ന് രണ്ടാം വർഷ ബിരുദ വിദ്യാർഥികൾ കാറിൽ നിന്ന് ഇറങ്ങി ഓടി .വിദ്യാർഥികൾ ഇറങ്ങിയോടുന്നതിന്റെ സിസിടിവി ദൃശ്യം പുറത്തുവന്നു.ഓടിപ്പോയ കണ്ടാലറിയാവുന്ന മൂന്നുപേരെ പ്രതി ചേർത്ത് എക്സൈസ് അന്വേഷണം ആരംഭിച്ചു.
